Məxfilik Siyasəti

Bu Məxfilik Siyasəti, Qaydalar & Şərtlərlə birlikdə, Azərbaycan Respublikasının qanunvericiliyinə uyğun olaraq təsis edilmiş hüquqi şəxs olan “SAĞLIKÇI” MMC-nin (VÖEN:2007347931) (bundan sonra “biz”) “Sağlıkçı” adlı mobil tətbiqimizi elektron cihazlarınıza yüklədiyiniz, quraşdırdığınız və istifadə etdiyiniz zaman istifadəçi məlumatının (bundan sonra “siz”) tərəfimizdən necə toplandığı, istifadə edildiyi və açıqlandığı barədə həyata keçirdiyi prosedur və siyasətləri izah edir (bundan sonra “xidmətlər”).

Qeydiyyat prosesi zamanı müvafiq yeri işarələməklə siz bu Məxfilik Siyasətinə razılıq vermiş olursunuz.

Sizin təhlükəsizliyiniz və məxfiliyiniz bizim üçün son dərəcə vacib olduğundan, biz məlumatların məxfiliyinin qorunması ilə bağlı Azərbaycan Respublikasında qüvvədə olan müvafiq qanunvericiliyə və Azərbaycan Respublikasının tərəfdar çıxdığı beynəlxalq müqavilələrə, o cümlədən “Fərdi Məlumatlar haqqında” Azərbaycan Respublikasının 11 may 2010-cu il tarixli, № 998-IIIQ Qanununa uyğun olaraq fəaliyyət göstəririk.

Şəxsi məlumatlarınızı niyə emal edirik və kim məsuliyyəti daşıyır?

“SAĞLIKÇI” MMC “SAĞLIKÇI” mobil tətbiqinə nəzarətçi və cavabdehdir. Biz məlumatlarınızı qanunsuz və ya təsadüfi müdaxilələrdən qorumaq, məlumatlarınızın itirilməsinin və ya icazəsiz dəyişdirilməsinin qarşısını almaq və məlumatlarınızı yalnız bu Məxfilik Siyasətində göstərilən qaydalara uyğun olaraq həkimlərlə bölüşmək üçün bütün mümkün təşkilati və texniki tədbirləri görürük.

Platforma vasitəsilə həkimlərlə qurduğunuz qarşılıqlı əlaqə və bu əlaqədən irəli gələ biləcək nəticələrə görə bütün məsuliyyət istifadəçi olaraq Sizə aiddir. Biz sizin şəxsi məlumatlarınızı aşağıdakı məqsədlər üçün toplayır və emal edirik:

• Uzaqdan tibbi qiymətləndirmələr və hibrid məsləhətlər üçün həkimlərlə əlaqə (remote və ya onlayn);
• Həkimlərin profili, təcrübəsi, ixtisasları və xidmətləri haqqında məlumatın açıqlanması;
• Ödənişlərin icrasını təmin etmək;
• Proqram təminatı və infrastruktur yeniləmələri barədə xəbərdarlıq göndərmək;
• Sistemi idarə etmək və problemləri həll etmək;
• Təhlil, biznes məqsədləri və sistem performansının təkmilləşdirilməsi.

Biz hansı şəxsi məlumatları toplayırıq?

“Şəxsi məlumatlar” – şəxsiyyəti müəyyən etməyə imkan verən istənilən məlumatdır. Bizə təqdim etdiyiniz:

• Ad, soyad, telefon nömrəsi;
• Profil şəkli, hesab adı, doğum tarixi, cins (həkimlə görüşdə görünür);
• Həkim qəbuluna yazıldıqda həkimin adı, yaşı, cinsi və səhhət şikayətləri;
• Ödəniş üçün kart məlumatları (saxlanılmır – üçüncü tərəf provayder saxlayır).

Məlumatlar harada və necə saxlanılır?

Bütün məlumatlar Avropada və Azərbaycanda təhlükəsiz serverlərdə saxlanılır. Server–cihaz trafik Let’s Encrypt ilə tam şifrələnir. Kredit kartı məlumatları Payriff tərəfindən saxlanır. Həkimlə mesajlaşmalarımıza çıxış yoxdur.

Şəxsi məlumatlarınızı kimlərlə paylaşırıq?

• Əlaqə qurduğunuz həkimlərlə;
• Qanuni sorğular əsasında dövlət və hüquq-mühafizə orqanları ilə;
• Biznes dəyişikliklərində (satış, birləşmə) yeni tərəfdaşlarla.

Hüquqlarınız

• Məlumatların surətini əldə etmək;
• Məlumatları düzəltmək;
• Məlumatları silməyi tələb etmək;
• İstifadəsini məhdudlaşdırmaq və ya etiraz etmək;
• Razılığı geri çəkmək;
• Şikayətinizi +994702666510 nömrəsinə bildirmək və məhkəməyə müraciət etmək.

Uşaqların məxfiliyi

Xidmətimiz 18 yaşdan aşağılar üçün nəzərdə tutulmayıb. Valideyn/qəyyum razılığı ilə məlumatlar işlənə bilər.

Məxfilik Siyasətinə dəyişikliklər

Siyasəti istənilən vaxt xəbərdarlıq etmədən dəyişdirmək hüququmuz var. Dəyişikliklər tətbiqə növbəti girişiniz zamanı bildiriləcək.